ღ ஐ ღ ღ ஐ ღ ღ ஐ ღ ღ ஐ ღ
يسألوني وينها بسمة شفاتي
قلت ماتت ما بقى غير الشفاه
دمعتين ٍ فوق خدي من شقاتي
دربها محفور بطعون ٍ حفاه
صوتي المخنوق في آخر لهاتي
ضامي ٍ ريقه يعذبني ضماه
ياعرب وان كان تسترني عباتي
من لقى للجرح في صدري عباه
ღ ஐ ღ ღ ஐ ღ ღ ஐ ღ ღ ஐ ღ
اطلقت عقبك من عيوني مساجين
يمشون في درب على الخد حافر
واحترت في أصلي .. انا شمع او طين؟
العين ذابت وابيض الوجه صافر !!
ღ ஐ ღ ღ ஐ ღ ღ ஐ ღ ღ ஐ ღ
كان جرح المشاعـر سر قلبك وفـاده
راحتك عندي أغلى..لو تموت الأماني
عطني احزان قلبك وخـذ مني وداده
عـش حياتك سعيد..وخل غيرك يعاني
الحـزن ماخلق لك..خـل الأفراح عـاده
ابتسـم..يبتسم لي ياحبيبي زماني
ღ ஐ ღ ღ ஐ ღ ღ ஐ ღ ღ ஐ ღ
حبك جمعنا روح من عقب روحين
حبك سكنته غير سكن المباني
به من صفاتك يمكن الزين والشين
بس في عيوني انتي شيخة زماني
ولو ان سنيني بالعمر فوق الالفين
نذر لحبه لين دفن المحاني
ღ ஐ ღ ღ ஐ ღ ღ ஐ ღ ღ ஐ ღ
مديت يدي يمها وصافحتني
وليتي سلمت ولا لها اليد مديت
حسيت انا في شيء يوم امسكتني
شيء كما الكهرب نتلني وفزيت
ღ ஐ ღ ღ ஐ ღ ღ ஐ ღ ღ ஐ ღ
لو الساعه لها قلب وتحس بلوعة الانسان
حرام ان تاقف الساعه ولا تمشي عقاربها
ღ ஐ ღ ღ ஐ ღ ღ ஐ ღ ღ ஐ ღ
يا قلب لا صار الهنا ينسرق سرق
لا عاد تنشد عن ليالي وصاله
غنيت لي طرق وضيعت لي طرق
اثره يشيل القلب فوق احتماله
ღ ஐ ღ ღ ஐ ღ ღ ஐ ღ ღ ஐ ღ
خبروه ان الظروف اللي عصتني في وصاله
ماترد القلب عنه لو على وصله مماتي
ღ ஐ ღ ღ ஐ ღ ღ ஐ ღ ღ ஐ ღ
عن قناعه كنت احبك وعفتك عن قناعه
ماكرهتك بس ماني على الفرقا حزين
رح بمان الله حبك طوى الخاطر شراعه
قبل لاهمي بفرقاك يذبح ناقتين
ღ ஐ ღ ღ ஐ ღ ღ ஐ ღ ღ ஐ ღ
يالعمر قلي كيف أنا أروي ظماتي
وشلون وحتى الماء ألاقيه عطشان
ღ ஐ ღ ღ ஐ ღ ღ ஐ ღ ღ ஐ ღ
هذا هو اللي تبيه؟
اني ارحل من حياتك
بذمتك هذا كلام؟
زين لحظة ..لاسالوني الناس وينك؟
بذمتك قول وش أقول؟
قول قول الله يخرب بيت بيتك
توني يادوبي بديت..بعت عمري واشتريتك
ياخي حس والله عيب اللي تبيه
اني ارحل من حياتك
وبذمتك هذا كلام
ღ ஐ ღ ღ ஐ ღ ღ ஐ ღ ღ ஐ ღ
يضيق الكون في عيني واشوفك في خيالي كون
أشوفك كلما أغفى لأنك حلمي الساهر
أحبك في تفاصيلك أحب أسلوبك المجنون
أحبك في طلوع الشمس أحبك يا أمل باكر
أشوفك داخلي أطفال مع ريح الفرح يمشون
أحبك في أبتسامه طفل أذا ناديت يا شاطر
أحبك ياصدى صوتن بحاسيس الهوى مشحون
أحبك ياربيع أخضر أحبك ياشتا ماطر
أحبك لذة السكر أحبك ريحة الليمون
أحبك في قصيدة شوق كتبها في الهوى شاعر
أنا صادق بحبي لك وقلبي أول العربون
أنا لاجيتك الاول بلا ثاني بلا عاشر
حقيقه أسمك الفاتن حقيقه قلبي المفتون
أنا من كثر ما أحبك أردد دوم ياساتر
احبك احبك احبك
ღ ஐ ღ ღ ஐ ღ ღ ஐ ღ ღ ஐ ღ
أحبك!
كلمة سوت على جدار الخفوق
نقوش
أحبك!
دمعة سالت على خدي تواسيني
أحبك!
في زمن كنه دروب مظلمة
ووحوش
أحبك!
رعشة بجسمي إذا لحالي
تخليني
أحبك!
ماهي بعطر على كتاب
الشعر مرشوش
أحبك!
خنجر بصدري واذا شلته
بتنهيني.
ღ ஐ ღ ღ ஐ ღ ღ ஐ ღ ღ ஐ ღ
من صميم القلب أهدي لك
حروف,
الحبر فيها ذهب والغلا فوق
الوصوف,
وصفحتي لون الشفق
وللفرح فيها طيوف,
الوله فيها تبخر
وللجفا عنها عزوف,
أهدي أشواقي قصيدة ومن
بساتيني قطوف,
أرسلتها لك في ثواني
ماتعاندهاالظروف
ღ ஐ ღ ღ ஐ ღ ღ ஐ ღ ღ ஐ ღ
السبت أغسطس 18, 2007 3:55 pm
